मित्रांनो, आणि मैत्रिणींनो आज श्रावण सुरू झालाय..श्रावण म्हणजे सणवार आणि वेगवेगळा खाऊ मिळण्याची चंगळ असलेला महिना. यानिमित्त मी "सहज सोपी अन्नपूर्णा" या सदराखाली श्रावण महिनाभर रोज एक पौष्टिक पाककृती इथे पोस्ट करणार आहे.
ज्या पारंपरिक पाककृती विशेष लोकप्रिय झाल्या नाहीत किंवा आताच्या काळात बोलायचं तर फारशा ट्रेंडिंग झाल्या नाहीत अशा पौष्टिक आणि बनवायला सहज सोप्या असलेल्या पाककृती आपल्यासमोर आणायच्या हा या उपक्रमाचा एक प्रमुख उद्देश आहे.
काळाच्या नजरेआड झालेले, सहसा विकत न मिळणारे, आणि तरीदेखील करायला अगदी सहज सोपे असलेले पारंपरिक पदार्थ जास्तीत जास्त लोकांपर्यंत पोहोचावेत अशी माझी प्रामाणिक इच्छा आहे.
आपल्या आजीकडून, आईकडून सहजपणे आपल्याकडे आलेली ही अन्नपूर्णा, ही निव्वळ स्वयंपाकघरात होणारी एक कृती नसून, ती अनेक वर्षांपासून चालत आलेली समृद्ध संस्कृती आहे.
ही संस्कृती जपली जावी, आपल्या सर्वांच्या सोबतीने मला वृद्धिंगत व्हावी म्हणून मी हा उपक्रम सुरू करत आहे. त्यानिमित्ताने आपण आपले स्वयंपाकघरातले अनुभव, गमती जमती एकमेकांना सांगू आणि याचा आनंद घेऊ. आपल्याला इथले खाद्यपदार्थ आणि त्यांचे वेगळेपण निश्चितच आवडेल अशी मला खात्री आहे.
No comments:
Post a Comment